Një ditë pas kapjes së sasisë rekord të heroinës në portin e Durrësit, Policia dhe Prokuroria e Krimeve të Rënda, shpallën në kërkim, pronarin e kompanisë së transportit të druve.<br /><br />Ky i fundit mësohet se është larguar nga Shqipëria në drejtim të Italisë, pak ditë para se të kapej sasia prej 30 kg heroinë në port.<br /><br />Veç tij në kërkim është shpallur edhe një person tjetër, që sipas hetuesve ka rol në trafik, ndërsa nuk bëhen të ditur emrat e të kërkuarve.<br /><br />Aurel Kryemadhi 45 vjeçar, shoferi i kamionit të kapur me drogë, nuk ka pranuar të ketë pasur dijeni mbi sasinë e drogës që po transportonte.<br /><br />Pavarësisht kësaj oficerët e policisë janë të bindur se shoferi ka qenë në dijeni të mallit. Specialistët kanë mësuar se lënda narkotike ishte ngarkuar në Elbasan, ku edhe është ngarkuar me dru.<br /><br />Po aty janë kryer edhe veprimet doganore, përpara se kamioni tip ?Skania?, i drejtuar nga Aurel Kryemadhi të nisej drejt Durrësit, ku edhe u kap sasia e drogës mbrëmjen e të enjtes. Kryemadhi u arrestua në flagrancë, ndërsa policia sekuestroi 52 pako me 30 kg heroinë në total./ TV KLAN
