میں بہک سکوں یہ مجال کیا ، میرا رہنما کوئی اور ہے <br />مجھے خوب جان لیں منزلیں یہ شکستہ پا کوئی اور ہے <br />جو تمہاری جالی سے متصل ہے ستوں کے پیچھے خجل خجل <br />نہیں میں نہیں وہ مریض ِ دل نہ مرے سوا کوئی اور ہے <br />میری التجا ہے یہ دوستو کبھی تم جو سوئے حرم چلو <br />تو بنا کے سر کو قدم چلو کہ یہ راستہ کوئی اور ہے <br />ہے تجھے خبر شہ ِ این و آں میری وجہ ِ راحت ِ قلب و جاں <br />نہ ترے سوا کوئی اور تھا ، نہ ترے سوا کوئی اور ہے <br />یہ گمان تھا کئی سال سے یہ یقین ہے کئی روز سے <br />میرے دل سے گنبد ِ سبز کا یہ معاملہ کوئی اور ہے <br />وہ رؤف ہے وہ رحیم ہے وہ حبیب ِ ربؑ ِِ کریم ہے <br />انہیں فکر ہے میری آپ کی انہیں چاہتا کوئی اور ہے <br />میں جو دورعرشِ حرم سے تھا ہوئی خلد ِ گوش حسیں صدا <br />ہے اسی میں ماجدِ بے نوا ، کہ یہ قافلہ کوئی اور ہے <br />For More <br />https://www.facebook.com/Naat-535707913304601 <br />OR https://www.facebook.com/Guldasta.e.Aqeedat/
