woh kehti hai suno jana, mohabat mom ka ghar hai <br />tapsh yeh bad gumani ki kahen pighla na de is ko <br />mein kehta hoon k jis dil mein zara bhi bad gumani ho <br />wahan kuch aor ho to ho mohabbat ho nahin sakti <br />woh kehti hai sada aisay hi kya tum mujh ko chaho ge <br />ke mein is mein kami bilkul gawara kar nahin sakti <br />mein kehta hoon mohabbat kya hai yeh tum ne sikhaya hai <br />mujhe tum se mohabbat ke siwa kuch bhi nahin aata <br />woh kehti hai judai se bohat darta hai mera dil <br />ke khud ko tum se hat kar dekhna mumkin nahin hai ab <br />mein kehta hoon yahi khadshay bohat mujh ko satatay hein <br />magar such hai mohabbat mein judai sath chalti hai <br />woh kehti hai batao kya mere bin ji sako ge tum? <br />meri yaden meri aankhen meri baten bhula do ge? <br />mein kehta hoon kabhi is baat par socha nahin mein ne <br />agar ik pal ko bhi sochon tw sansen ruknay lagti hein <br />woh kehti hai tumhen mujh se mohabbat is qadar kiyon hai <br />ke mein ik aam si larki tumhen kiyon khas lagti hoon <br />mein kehta hoon kabhi khud ko meri aankhon se tum dekho <br />meri dewaangi kiyon hai yeh khud hi jaan jao gi <br />woh kehti hai mujhe waarftagi se dekhtay kiyon ho? <br />ko mein khud ko bohat hi qeemti mehsoos karti hoon <br />mein kehta hoon mata e jaan bohat anmol hoti hai <br />tumhen jab dekhta hoon zindagi mehsoos karta hoon <br />woh kehti hai mujhe ilfaz ky jugnu nahin miltay <br />tumhen batla sakoon dil mein mere kitni mohabbat hai <br />mein kehta hoon mohabbat to nighaon se chalakti hai <br />tumhari khamshi mujh se tumhari baat karti hai <br />woh kehti hai batao na kisay khonay se dartay ho? <br />batao kon hai woh jis ko io mausam bulatay hein <br />mein kehta hoon yeh meri shairy hai aaina dil ka <br />zara dekho batao kya tumhen is mein nazar aya <br />woh kehti hai ko atif g bohat baten banatay ho <br />magar such hai k yeh baten bohat hi shaad rakhti hein <br />mein kehta hoon io sab baten fasanay ik bahana hein <br />k pal kuch zindgaani k tumhare sath katt jain <br />phir is k baad khamoshi ka dilkash raqs hota hai <br />nighain bolti hein aor lab khamosh rehtay hein <br /> <br />Poet: Atif Saeed <br />Voice: Imran Sherazi
