Prokuroria ka urdhëruar lirimin e 11 persona të arrestuar të shtunën në Tiranë për shitje dhe shpërndarje të lëndëve narkotike. Burime nga organi i akuzës së kryeqytetit konfirmuan se arrestimi për katër menaxherë lokalesh, është cilësuar i paligjshëm.<br /><br />Kjo për shkak se nuk provohet se ata kanë lidhje me shitjen e drogës që kryhej në ambientet e këtyre lokaleve.<br /><br />Ndërsa për 7 personat e tjerë punonjës dhe klientë të këtyre lokale është caktuar masa detyrim paraqitje.<br /><br />Të shtunën policia e Tiranës njoftoi se 11 persona u prangosën gjatë operacionit të zhvilluar në disa lokale te njohura ne ish-bllok.<br /><br />Sipas bluve të Tiranës disa lokale kishin krijuar kushte për klientët për të konsumuar lëndë narkotike.<br />Nga hetimet e policisë është faktuar se ishin krijuar disa dhoma të veçanta me të gjitha mjetet e nevojshme për të konsumuar drogë të tilla si heroinë dhe kokainë.<br /><br />Në disa raste ishin po punonjës të stafit të lokaleve që shpërndanin drogën, ndërsa në disa raste të tjera shpërndarësit hiqeshin si klient të këtyre lokaleve./ TV KLAN
