Prokuroria e Apelit Durrës ka dorëzuar këtë të premte në Gjykatën e Lartë rekursin kundër vendimit të Gjykatës së Apelit Durrës, e cila vendosi lirim me kusht për të dënuarin Lulzim Berisha.<br /><br />Akuza argumenton se Lulzim Berisha duhet të kthehet në qeli dhe nuk mund të përfitojë nga dënimi me kusht, për disa arsye.<br /><br />Sipas Prokurorisë, veprat për të cilat është dënuar Berisha janë mjaft të rënda dhe ai nuk mund të përfitojë nga lirimi para kohe.<br /><br />Ai u arrestua në Prill të vitit 2006, në Tetovë pasi ishte shpallur në kërkim për 5 vrasje dhe krijim të një organizate kriminale.<br /><br />Gjithashtu në rekus, Prokuroria e Apelit Durrës sqaron se uljet e dënimit ndër vite për Lulzim Berishën kanë qënë të pajustifikuara nga togat e zeza.<br /><br />Prokuroria dyshon se koha e llogaritjes së kohës së burgim nuk është e saktë.<br /><br />Rekursi në Gjykatën e Lartë vjen një ditë pasi Prokuroria e Përgjithshme njoftoi zyrtarisht se kishte nisur një hetim për mënyrën si u lirua Berisha.<br /><br />Në sitën e hetuesve do të kalojnë veprimet e disa gjyqtarëve. Të njëjtën vepër dyshohet se kanë konsmuar edhe zyrtarë të Bashkisë Durrës, që kanë garantuar punësimin e tij, duke favorizuar lirimin me kusht.<br /><br />Lulzim Berisha ka përfituar nga një seri e gjatë vendimesh gjykate për ulje dënimi. Ai u dënua fillimisht me burg përjetë, më pas vendimi u ul në 25 vjet, por kreu i ?Bandës së Durrësit? bëri vetëm 10 vjet burg dhe u lirua me kusht 5 vjet përpara se t?i përfundonte afati i dënimit.
