یارب ! مرے سکوت کو نغمہ سرائی دے <br />زخمِ ہُنر کو حوصلہ لب کشائی دے <br />لہجے کو جُوئے آب کی وہ نے نوائی دے <br />دُنیا کو حرف حرف کا بہنا سنائی دے <br />رگ رگ میں اُس کا لمس اُترتا دکھائی دے <br />جو کیفیت بھی جسم کو دے ،انتہائی دے <br />شہرِ سخن سے رُوح کو وہ آشنائی دے <br />آنکھیں بھی بند رکھوں تو رستہ سجھائی دے <br />تخیئلِ ماہتاب ہو، اظہارِ آئینہ <br />آنکھوں کو لفظ لفظ کا چہرہ دکھائی دے <br />دل کو لہو کروں تو کوئی نقش بن سکے <br />تو مجھ کو کربِ ذات کی سچی کمائی دے <br />دُکھ کے سفر میں منزلِ نایافت کُچھ نہ ہو <br />زخمِ جگر سے زخمِ ہُنر تک رسائی دے <br />میں عشق کائنات میں زنجیر ہوسکوں <br />مجھ کو حصارِ ذات کے شہر سے رہائی دے <br />پہروں کی تشنگی پہ بھی ثابت قدم رہوں <br />دشتِ بلا میں ، رُوح مجھے کربلائی دے <br />more at www.facebook.com/Kalam.e.Shayer
