Aye Naye Saal bata tujh mein naya pan kya hai <br />har taraf khalaq ne kiyon shor macha rakha hai <br /> <br />roshni din ki wohi taaron bhari raat wohi <br />aaj hum ko nazar aati hai har aik baat wohi <br /> <br />aasmaan badla hai afsos na badli hai zameen <br />aik hindsay ka badalna koi jiddat to nahin <br /> <br />aglay barson ki tarah hon ge qareenay tere <br />kissay maloom nahin baara maheenay tere <br /> <br />janwari farwari aor march mein paray gi sardi <br />aor aprail may aor june mein ho gi garmi <br /> <br />tera man dehar mein kuch khoye ga kuch paye ga <br />apni mayaad basar kar ke chala jaye ga <br /> <br />tu naya hai to dikha subha nayi shaam nayi <br />warna in aankhon ne dekhay hein naye saal kayi <br /> <br />be sabab log detay hein kiyon mubarak badein <br />kya sabhi bhool gaye hein waqt ki kari yaadein <br /> <br />teri aamad se ghatti hai umar jahan se sab ki <br />Faiz ne likhi hai yeh nazam niralay dhab ki <br /> <br />Poet: Faiz Ahmad Faiz <br />Voice: Imran Sherazi
