Загрижувачки извештај: Злоупотреба на деца од деца <br />Телевизија 24 Вести 01.02.2017 | <br />Прекршување на правата на децата при бракоразводни постапки, семејното насилство и питачењето, односно искористувањето на детскиот труд се најчести форми на прекршување на детските права пријавени на СОС телефонот за деца и млади минатата година- ова го покажува годишниот извештај на Првата детска амбасада во светот Меѓаши. Алармантни се бројките и на деца-фантоми кои немаат лични документи што ја прави нивната судбина незивесна-вели директорот на Меѓаши, Драги Змијанац. <br /> <br />„Има околу 1500 до 2000 деца без извод од матичната книга на родените. Секогаш одиме со една сива бројка од неевидентирани деца . Тоа може да биде киднапирано, силувано, неговите органи да се продадени или да исчезне од државата. Главното решение на државата е вклучување на такви деца во образованието уште во најмала возраст“ - вели Драги Змијанац, директор на Првата детска амбасада Меѓаши. <br /> <br />Во годишниот извештај е нотирано дека според јавувањата постои сомнеж за сексуална злоупотреба на деца од страна на малолетни лица. <br /> <br /> „Во периодот од јануари до декември 2016 имаме добиено информации за шест деца за кои постои сомнеж за сексуална злоупотреба. Станува збор за деца од машки и женски род. Таквата злоупотреба се случила од страна на близок или познаник на детето. Според податоците на „Меѓаши“ постои сомнеж за сексуална злоупотреба од страна малолетни лица“ - вели Ангела Маневска, Координаторот на СОС телефон. <br /> <br />Во текот на 2016 година сервисот за директна помош и материјална поддршка на Меѓаши го искористиле 138 граѓани што живеат на работ на сиромаштија.СОС телефонот за деца и млади функционира 23 години и досега на него се регистрирани вкупно 20.537 повици.
