TIRANË ? Mëngjesin e kësaj të diele banorët e "Komunës së Parisit" janë zgjuar të tronditur për shkak të një shpërthimi të fuqishëm që ndodhi në këtë zonë.<br /> <br />Shpërthimi është regjistruar rreth orës 1:20, duke u gdhirë dita e diel. Sipas burimeve të policisë, eksplozivi ka qenë i vendosur, në pjesën e poshtme të veturës ?Ford? Focus me targa AA234 HN, me ngjyrë gri.<br /> <br />Vetura sipas burimeve të policisë është në pronësi të një prej bashkëpronarëve të kompanisë së prodhimit të dyerve ?Klamizo?. <br /><br />Pronari i kompanisë së tregtimit të dyerve të blinduara, refuzoi të kishte ndonjë konflikt me ndonjë person të mundshëm. Ai shton se mund të jetë edhe ndonjë ngatërresë.<br /><br />Por në një regjistrim audio ai lë të kuptohet se incidenti mund të jetë kryer edhe për shkaqe konkurence. "Konkurenca, biznesi, këto inatet mund të jenë...Jam shokuar," thotë ai.<br /><br />Në vendin e ngjarjes, shihen qartë pasojat e shpërthimit, ku është krijuar një gropë rreth 20 cm e thellë, me një diametër rreth 40 cm.<br /><br /><br />Sipas burimeve nga policia sasia e eksplozivit të vendosur ka qenë rreth 200 gr tritol. Fatmirësisht nga shpërthimi nuk ka të lënduar, ndërsa automjeti ishte i parkur në momentin e shpërthimit dhe është dëmtuar në pjesën e përparme.<br /> <br />Dëme materiale ka pasur edhe në pjesën e dyqanit, ndërsa policia ka marrë veç dëshmisë së pronarëve edhe pamjet e disa kamerave të sigurisë në këtë zonë, për të identifikuar persona të dyshimtë që mund të kenë qenë duke lëvizur para apo pas shpërthimit.
