LEZHË-Automjeti i një ish-efekti policie është djegur gjatë natës në qytetin e Lezhës. Mësohet se bëhet fjalë për makinën e ish-policit Tonin Kolthi.<br /> <br />Ngjarja ka ndodhur rreth mesnatës në fshatin Spiten të lezhës, ku mjeti tip benz me targa AA250 IP ka qenë i parkuar tek porta e banesës së ish-efektivit Kolthi.<br /> <br />Nga hetimet e para dyshohet se mjeti është djegur me benzinë, pasi poshtë gomës së përparme është gjetur dhe një shishe e cila ka patur benzinë brenda.<br /><br />Vetë ish polici Tonin Kolthi ka rrëfyer se ka parë tre persona të cilët janë larguar me shpejtësi në këmbë, ndërsa vetem 50 metra më tutje i priste një automjet i cili është larguar me shpejtësi në drejtim të Milotit.<br /> <br />Kolthi thotë se nuk ka konflikte me ndonjë përson dhe i bën thirrje policisë që të zbardhë ngjarjen.<br /> <br />Ish polici Tonin Kolthi është një emër i njohur, pasi një muaj më parë është arrestuar nga policia për protestën e zhvilluar kundër ndërtimit të parkut të lojrave tek Kodrat e Liqenit Artificial. Nga ana tjetër policia ka nisur hetimet në lidhje me ngjarjen, por pa mundur ende që të bie në gjurmët e autorëve.
