Eduko dhe Parandalo ka qene motoja kryesore e nje lektoriumi me studentet e Fakultetit te Infermierisë në Universitetin Fan Noli në Korçë, në kuadër të fushatës sensibilizuese për luftën kundër kancerit të gjirit dhe qafës së mitrës.<br /><br />Trajnim ky që u mundësua nga një program italo-shqiptar me mbështetje të Ministrisë së Shëndetësisë. Sipas Dr.Ariela Struga, lektore në këtë trajnim, parandalimi është mënyra më efikase ndaj edukimi i moshave të reja merr një rëndësi të veçantë në betejën kundër kësaj sëmundjeje.<br /> <br />"Eshtë një projekt i cili ndihmon dhe informon të gjitha moshat për parandilimin e sëmundjeve të kancerit sepse gjithmonë e më tepër kjo sëmundje është më e përhapur dhe mënyra më e mirë për ta luftuar është parandilimi," tha Struga.<br /> <br />Sipas doktoreshës të ushqyerit shëndetshëm dhe aktiviteti fizik janë faktorët kryesorë të rëndësishëm në parandalimin e kësaj sëmundjeje.<br /> <br />"Ushqimi është një nga faktorët kryesor në parandalimin e sëmundjeve të kancerit dhe 30 e uljes së rasteve, diagnostikimi me kancer vjen nga kequshqyerja," shpjegon doktoresha Ariela Struga.<br /> <br />Ky trajnim, veç qytetit të Korçës zhvillohet në disa qytete, përfshi Shkodrën dhe Elbasanin.<br /> <br />"Jo vetëm në Korçë, është e shpërndarë në të gjitha rrethet. Pilot në Korçë, Elbasan dhe Shkodër me qëllim që ato të dinë dhe të edukohen gjithmonë e më tepër," tha ajo.<br /> <br />Trajnimi për parandalimin e kancerit të gjirit dhe qafës së mitrës që zgjati përreth një orë, u ndoq nga qindra studentë të Fakultetit të Infiermierisë. Ra në sy edhe pjesëmarrja e një numri të lartë studentësh djem, që shprehën hapur dëshirën për të marrë informacion të bollshëm rreth parandalimit të sëmundjes së kancerit.
