Ligji i mbetjeve është diskutuar gjatë në mbledhjen e grupit parlamentar të PS-së.<br /> <br />Shfuqizimi i ligjit të qeverisë Berisha për importin e mbetjeve , ishte vendimi i parë i qeverisë Rama, ndaj rikthimi i tij ka shqetësuar jo vetëm ambientalistët por dhe vetë deputetët.<br /> <br />Që prej 2013-s Shqipëria nuk importon më mbetje të riciklueshme dhe industria e përpunimit të tyre është drejt falimentimit sipas deputetit Eduard Shalsi, Ervin Bushati të PS-së dhe Bujar Derveni të LSI-së, që me ligj synojnë të riligjërojnë importin.<br /> <br />Megjithatë lista e mbetjeve të lejuara është reduktuar në 5 lloje , nga 26 që ishte në ligjin e vjetër.<br /><br />Vetë kryeministri para se të largohej nga mbledhja me deputetët, ka deklaruar se vendimi i 2013-s ishte drejtë, por tashmë kushtet kanë ndryshuar.<br /> <br />Me vendimin e Këshillit të Ministrave ku do të përcaktohet lista e mbetjeve jo të rrezikshme që do të futen në territorin shqiptar, sipas tij, procesi do të jetë më i kontrolluar.
