Subscribe në Ora News këtu http://bit.ly/1s5j7UT<br /><br />Ish gjyqtari i Gjykatës së Tiranës, Ibrahim Hoxha, rrezikon të dënohet me 2 vjet burg.<br />Kërkesa e prokurorisë për ish gjyqtarin, i cili akuzohet se mori 600 mijë lekë për të ndryshuar një vendim gjyqësor ishte 3 vite burg, por Hoxha përfiton uljen e 1 viti per shkak se ka pranuar gjykimin e shkurtuar .<br />Por krahas denimit prokuroria kërkoi që Hoxha të mos ushtrojë asnjë funksion publik për tre vite, ndërsa shuma e parave të konfiksohen. Së bashku me ish gjyqtarin prokuroria akuzon edhe djalin e tij, Ledjon Hoxha, për të cilin përfaqësuesja e akuzës tha se iu provua vetëm akuza e moskallzimit të krimit dhe jo e bashkëpunëtorit. Për këtë akuzë u kërkua si dënim 4 muaj burg i cili të konvertohet ne 20 muaj në shërbim prove.<br />Ndërkohë, 12 dhe 10 muaj burg janë kërkuar përkatësisht për personat e tjerë të përfshirë në këtë aferë, Dritan Jazexhiu dhe Nevruz Gajdja. Dënim me 100 mije lekë gjobë u kërkua per të pandehurin tjetër Gerald Hoxha. Ish gjyqtari u arrestua mbremjen e 2 majit së bashku me dalin e tij, dhe në 3 maj Keshilli i Lartë I Drejtësisë e pezulloi nga detyra.<br />Hetimët nisën ne bazë të sinjalizimeve se gjyqtari Hoxha kish kërkuar shumën 800 mijë lekë të reja, për të dhënë vendimin në favor të Dritan Jazexhiut.<br /><br />Për më shumë lexoni në: http://www.oranews.tv/vendi/kerkohen-3-vite-burg-per-ish-gjyqtarin-ibrahim-hoxha/
