Subscribe në Ora News këtu http://bit.ly/1s5j7UT<br /><br />Ministri i Bujqësisë i shoqëruar nga përfaqësuesi i lartë i BE në vendin tonë Jan Rudolf, dhe zv.ministrja e Integrimit Erisa Xhixho, panë nga afër laboratorët modernë ushqimorë të AKU në Durrës. Investim 5 mln euro i BE, u cilësua nga kjo e fundit, si një prioritet për integrimin, i të njëjtit rëndësi me vettingun.<br />Ndërtimi i 7 laboratorëve rajonal për kontrollin ushqimor do të rrisë ndjeshëm cilësin e produkteve të konsumit në vend. I shoqëruar nga zv.ministrja e Integrimit dhe nga përgjegjësi politik i BE në Tiranë, Ministri i Bujqësisë, Edmond Panariti, teksa inspektoi ambientet e Autoritetit Kombëtar të Ushqimit dhe laboratorëve të tij në Durrës vlerësoi se vazhdimisht ushtrohet kontrolle të produkteve ushqimore.<br />Edmond Panariti ministër i Bujqësisë: Kryhet një spektër i gjerë analizash, duke filluar që nga analizat fiziokimike, të përcaktimit të lagështisë, të përqëindjes së proteinës dhe të gjithë treguesit e tjerë dhe sigurisht edhe analiza të pranisë të agjentëve ndotës, duke filluar që nga analizat bakteriale që kontrollohet qumshti, mishi po kështu edhe analiza komplekse të karakterit fitosanitar.<br />Jan Rudolf theksoi se pavarësisht se vëmëndja më e madhe e BE-së është tek reforma në drejtësi, do mbështeten edhe sektorë të tjerë me rëndësi për qytetarët.<br /><br />Për më shumë lexoni në: http://www.oranews.tv/vendi/laboratoret-ushqimore-panariti-kontrolle-te-vazhdueshme/
