Një grabitje me armë zjarri ka ndodhur mëngjesin e sotëm rreth orës 08:23 në kryeqytet. Dy persona të armatosur, nën kërcënimin e armës kanë grabitur një bankë të nivelit të dytë pranë ?21 Dhjetorit?.<br /><br />Sipas burimeve, mësohet se ata kanë qenë të maskuar me kapele e shall dhe pas grabitjes janë larguar me një motor të zi "Skuter".<br /><br />Grabitësit kanë hyrë në bankë duke neutralizuar fillimisht rojën e sigurisë. Më pas janë drejtuar te kasa e lekëve ku nën kërcënimin e armës kanë marrë lekët.<br /><br />Dyshohet se shuma e grabitur është rreth 5 milionë lekë të reja. Policia ka sekuestruar një armë zjarri, që dyshohet se është lënë nga njëri prej autorëve.<br /><br />Mësohet se pas daljes nga banka dy grabitësit janë futur në mes të rrugicave në zonën e rrugës Myslym Shyri. <br /><br />Grupi hetimor ndodhet në vendin e ngjarjes dhe po punon për identifikimin e personave, si dhe kapjen e tyre./tvklan.al
