Kati i fundit i një pallati është përfshirë nga flakët ditën e sotme në kryeqytet.<br /><br />Zjarri ka rënë në papafingon e një pallati 10 katësh, në Rrugën e Elbasanit, pranë Liceut Artistik.<br /><br />Siç mund të shihet edhe në këto pamje të mbërritura në redaksinë e tvklan.al, zjarri është i përmasave të mëdha.<br /><br />Paraprakisht raportohet vetëm për dëme materiale, ndërsa në vendin e ngjarjes kanë mbërritur shërbimet e zjarrëfikëses dhe policia.<br /><br />Kjo e fundit ka vendosur edhe perimetrin e sigurisë, duke evakuuar banorët.
