Qyteti i Korçës dhe zonat përreth janë veshur nga petku i bardhë i dëborës këtë të mërkurë. <br /><br />Reshjet kanë qenë intensive, ndërsa trashësia maksimale arrin deri në 10 cm në fshatin turistik të Dardhës. Në qytet ka gjithashtu prezencë të theksuar të borës e cila arrin 7 cm, por nuk raportohet për probleme në qarkullimin e automjeteve. <br /><br />Ndërsa segmenti rrugor në drejtim të fshatit turistik të Dardhës është i mbuluar nga bora dhe akulli çka e bën të domosdoshëm përdorimin e zinxhirëve nga automjetet. <br /><br />Në akset e tjera, pavarësisht reshjeve të dendura që prej mëngjesit, qarkullimi i automjeteve vijon normalisht dhe pa probleme. <br /><br />Megjithatë, policia këshillon drejtuesit e mjeteve që të tregojnë kujdes në aksin nacional Korçë-Pogradec dhe Korçë-Kapshticë.
