Nuk ka pushim për deputetët e Reformës në Drejtësi. Edhe pse Parlamenti është i mbyllur deri më 16 janar të vitit të ardhshëm, Komisioni i Ligjeve do të punojë me paketën e re prej 27 ligjesh dhe gjatë kohës së pushimeve.<br /><br />Pavarësisht se pa opozitën, mbledhja jashtë radhës e Komisionit nuk ka qenë e qetë. Fillimisht Petrit Vasili i LSI i ka pasur vërejtje mbi procedurën që do të ndiqet me ligjet e Reformës, e më pas mes tij dhe deputeteve të PS-së pati përplasje për garën për Avokatin e Popullit.<br /><br />PS vendosi të rihap këtë garë dhe me 20 ditë të tjera, pasi shumë persona kanë aplikuar me vonesë. Por sipas Vasilit, po aplikohet një procedurë ekstra ligjore.<br /><br />Sipas Reformës në Drejtësi, avokati i popullit hap garën për personat që do të bëjnë Vettingun. Ai zgjidhet me 84 vota. Pra dhe ato të LSI-së. Ndërkohë që Igli Totozanit i ka përfunduar mandatin në 22 dhjetor deri më tani në garën për këtë post janë paraqitur 3 kandidatura.
