Kjo ishte situata në Rrugën e Kombit në orët e vona të mbrëmjes së shkuar?.<br /><br />Kalimi i mjeteve ishte thuajse i pamundur si pasojë e reshjeve të dendura të dëborës, trashësia e së cilës në Kalimash ka arritur në 70 centimetër.<br /><br />Sot kalimi bëhet vetëm me zinxhirë.<br /><br />Dëbora ka mbuluar pjesën më të madhe të vendit.<br /><br />Për herë të parë pas 7 vjetësh, ajo zbardhi edhe Durrësin. Reshje dëborë pati edhe në Lushnje.<br /><br />Në veri situata është përkeqësuar, me temperatura disa gradë nën zero dhe me disa zona të izoluara nga dëbora dhe ngricat në rrugë.<br /><br />Situata më e vështirë raportohet në qarkun e Kukësit, ku acari ka lënë pa energji qytetin dhe rrethinat e tij. Disa shtyllat të tensionit të lartë janë dëmtuar. Grupet e terrenit kanë vështirësi për riparimin e difekteve për shkak të temperaturave 10 gradë nën zero. Një punonjës ka përfunduar në spital, pasi pësoi hipotermi.<br /><br />Trashësia e dëborës në këtë qark ka arritur në 35 centimetra, ndërsa në zonat rurale shkon deri në 1 metër. Të gjitha akset janë të kalueshme me zinxhirë.<br /><br />Në Malësinë e Madhe, dëbora ka arritur deri në 1.2 metra. 9 rrugë në këtë zonë janë tërësisht të bllokuara, ndërsa në akset e tjera nuk mund të kalohet pa zinxhirë.<br /><br />Stuhia e dëborës gjatë natës ka bllokuar disa zona edhe në Dibër. Shumë segmente rrugore nuk janë të kalueshme, ndërsa në rrugët nacionale në këtë qark qarkullohet me zinxhirë.<br /><br />Dëbora ka pushtuar edhe Elbasanin. Disa fshatra të këtij qarku dhe rruga Lunik ? Stëblevë janë tërësisht të bllokuara.<br /><br />Në Korçë trashësia e dëborës arrin në 30 centrimetra. Në Qafë Thanë dhe Qafë Plloçë kalimi i makinave bëhet me vështirësi me zinxhirë.<br /><br />Në qarkun e Vlorës qarkullimi për automjetet ka rifilluar vetëm në mëngjes, në Qafë Muzinë, Qafë Gjashtë dhe Llogara, të cilat u bllokuan në mbrëmje si pasojë e ngricave.<br /><br />Në Tiranë reshjet e dëborës ishin të pakta, ndërsa mali i Dajtit është zbardhur tërësisht.<br /><br />Tv Klan
