Epidemia gripale dhe i ftohti që ka mbërthyer vendin do të mbajë mbyllura shkollat, kopshtet dhe universitetet edhe për një javë tjetër.<br /><br />Pas takimit të Shtabit të Emergjencave të zhvilluar Ministria e Shëndetësisë ka urdhëruar shtyrjen e rifillimit të procesit arsimor deri në datën 16 Janar.<br /><br />Kjo është shtyrja e dytë e mësimit për këtë vit. Ndërkohë që edhe Këshilli i Ministrave vendosi sot të japë pushim për punonjësit e administratës, duke përfituar një prej prindërve që kanë fëmijë të mitur dhe që frekuentojnë arsimin parashkollor ose atë fillor.<br /><br />Për shkak të motit të keq me reshje bore dhe temperatura të ulëta, dhjetëra akse rurale janë të bllokuara. Situata më e vështirë paraqitet në qarqet Kukës, Dibër dhe Shkodër.<br /><br />Në rrugën e Kombit po punohet me mjete borëpastruese për pastrimin e saj nga bora dhe akulli. Ndërsa disa prej akseve rurale janë të bllokuara. Edhe në Dibër disa akse të thella malore janë të bllokuara, pasi dëbora arrin deri në 1 metër. Rruga Peshkopi -Lurë dhe Peshkopi ?Selishtë janë të bllokuara.<br /><br />Në qarkun e Elbasanit aksi Librazhd - Stëblevë vazhdon të jetë i bllokuar megjithëse po punohet për hapjen e tij.<br /><br />Teperaturat e ulëta janë sjellë problem edhe në Operatorin e Shpërndarjes së Energjisë. Qytetet më problematike janë Tirana, Durrësi, Kukësi, Burreli dhe Elbasani.<br /><br />Tv Klan
