Хуманитарна акција за децата од Алепо <br />Здружението на граѓани Легис и Правата детска амбасада во светот Меѓаши организираат „Недела на солидарност со децата бегалци“ <br />Со собраните средства треба да се испрати заедничка симболична хуманитарна помош од граѓаните на Македонија до децата бегaлци од Сирија. <br /> <br />Здружението на граѓани Легис и Првата детска амбасада во светот Меѓаши започнаа кампања за помош на бегалците кои се лоцирани во кампови на граничната зона на Турција со Сирија, <br />Еден дел од кампањата е насочен кон собирање финансиски средства од граѓаните/ките и од бизнис секторот, а другиот дел кон подигање на јавната свест, особено кај помладата генерација.. <br /> <br />„Целта е да ја подигнеме свеста особено на помладите во воспитно образовните институции, децата, учениците за состојбата во која се наоѓаат нивните врсници од Сирија и воопшто бегалците, потребата од солидарност и помош на луѓето кои страдаат од војна. Зборуваме за луѓе, деца кои ги загубија своите домови и речиси сè што имаат. <br /> <br />Децата и младите треба да ги запознаеме како може да им се помага на луѓе во неволја, да им се претстават хуманитарни акции како и сите други начини на кои се искажува солидарност. Ако учениците пројават желба и самите да им помагаат на другите, наставниците треба да разговараат со учениците, заедно да најдат соодветен начин да се вклучат и дадат свој придонес и да се солидаризираат со луѓето во неволја. Ова, меѓу другото е можност за развој на емпатија, иницијатива, хуманост и многу други вредности кои сакаме да ги поддржиме кај децата“, се вели во соопштението. <br /> <br />За таа цел наставниците, воспитувачите може да го користат прирачникот „Сите сме деца на овој свет – како со учениците да се разговара за бегалската криза” на македонски и албански јазик или директно од Првата детска амбасада во светот Меѓаши. <br /> <br />Од медиумите пак очекуваат да посветат време за снимање на дебатни емисии, образовни емисии, детски емисии, разговори, интервјуа поврзани со состојбата во која се наоѓаат бегалците, особено децата. <br /> <br />Граѓаните ќе можат да донираат парични средства онлајн, во кутиите распоредени по френкфентните супермаркети, како и на жиро сметка која ќе им биде дистрибуирана деновиве во дневните и неделните весници. Со собраните средства треба да се испрати заедничка симболична хуманитарна помош од граѓаните на Македонија до децата бегaлци од Сирија.
