Musiqisi / Music : Cavanşir Quliyev <br /> <br />Sözləri / Lyrics : Məhəmməd Şəhriyar <br /> <br />Bizi yandırır yaman ayrılıq, <br />Bu darıxdıran duman ayrılıq. <br />Gözə sovrulan saman ayrılıq, <br />Aman, ayrılıq, aman, ayrılıq! <br /> <br />Bir gözün açar, bir gözün yumar, <br />Arazı serin gördükde umar, <br />Xəzəri dərin gördükdə cumar, <br />Qəm dəryasına cuman ayrılıq, <br />Aman, ayrılıq, aman, ayrılıq! <br /> <br />Arazım vursun baş daşdan-daşa, <br />Göz yaşı gərək başlardan aşa, <br />Necə yad olsun qardaş qardaşa? <br />Nə din qanır, nə iman ayrılıq, <br />Aman, ayrılıq, aman, ayrılıq! <br /> <br />Dedim: ayrılıq, qınama məni, <br />Səni görmüşəm ellər düşməni, <br />Yüz min kərə de sınayam səni, <br />Aman ayrılıq, haman ayrılıq, <br />Aman, ayrılıq, aman, ayrılıq! <br /> <br />Köylərin, günün, ayın gizlədir, <br />Ulduz axtarır, sayın gizlədir, <br />Oxunu atır, yayın gizlədir, <br />Qəddimi eden kaman ayrılıq, <br />Aman, ayrılıq, aman, ayrılıq! <br /> <br />Sən unutsan da, Süləyman, meni, <br />Unutmayacaq Şehriyar səni, <br />Yaz gələr, bülbül qapsar çəməni, <br />İndilik sevsin zaman ayrılıq, <br />Aman, ayrılıq, aman, ayrılıq! <br /> <br />Ayrılıq gələ, bir kərəm qıla, <br />Bir neçə gün də bizdən ayrıla, <br />Qəm de bir biz tək sarala-sola, <br />Hanı bir belə guman, ayrılıq, <br />Aman, ayrılıq, aman, ayrılıq! <br /> <br />Amansız gözün yuman ayrılıq, <br />Cansızlığından uman ayrılıq, <br />Qanla yazılmış roman ayrılıq, <br />Aman, ayrılıq, aman, ayrılıq! <br />Aman, ayrılıq, aman, aynlıq!
