50 familje rome do të kenë shumë shpejtë një banesë për të jetuar. Bashkia e Tiranës ka nisur punën për zbatimin e projektit që mundëson ndërtimin e banesave në zonën e Shkozës.<br /><br />?Besoj që jo vetëm ky është një lajm i mirë për komunitetin, por unë besoj se është edhe një përgjigje finale për mënyrën se si bëhen gjërat në Shqipëri. Përfundimisht jemi ndarë në dy kategori; njerëz që vënë gishtin, shajnë dhe mallkojnë gjithçka dhe njerëz që në çdo problem thonë, si mund ta zgjidh". <br /><br />Ministri i Financave, Arben Ahmetaj sqaroi se ky projekt është konceptuar në vijim të paketës të solidaritetit që qeveria shqiptare dhe Bashkia e Tiranës ka ndaj shtresave në nevojë.<br /><br /> ?Është një projekt i bashkëpunimit të qeverive shqiptare dhe italiane në kuadrin e konvertimit të borxhit në projekte të qeverisjes vendore në favor të komuniteteve në nevojë, siç është komuniteti rom dhe egjiptian". <br /><br />Nuk do të ketë pagesë për strehimin në këto banesa por disa kushte, së pari çdo fëmijë duhet të shkojë në shkollë dhe personat e moshës 16-30 vjeç do të duhet me detyrim të futen në një kurs të arsimit profesional.<br /><br />Tv Klan
