Një vrasje me armë zjarri ka tronditur këtë të dielë qytetin e Vlorës.<br /><br />Viktima është 32 ? vjeçari Refit Toro, i cili mbeti i vrarë në një atentat të ndodhur rreth orës 17:57, në vendin e quajtur ?Ish-Parku i Tregëtisë?.<br /><br />Toro, sipas policisë, njihet si person me precedentë kriminalë dhe me rekorde të theksuara kriminale.<br /><br />Burime zyrtare bëjnë të ditur se i riu udhëtonte me automjetin e tij, një fuoristradë Mitsubishi me targa AA 606 LD, kur u qëllua me armë zjarri.<br />32 -vjeçari u nis me urgjencë drejt spitalit, por nuk mundi t?i mbijetojë plagëve të marra dhe ndërroi jetë gjatë rrugës.<br /><br />Dyshohet se, autori pasi ka kryer krimin është larguar me shpejtësi me një automjet, për të cilin po punohet për zbulimin e tij.<br /><br />Aktualisht, grupi hetimor ndodhet në vendngjarje dhe po kryhen veprimet hetimore në lidhje me dokumentimin e plotë të kësaj ngjarjeje.<br /><br />Gjithashtu, janë ngritur pika kontrolli në rrugët dalëse dhe hyrëse të qytetit të Vlorës me qëllim kapjen e autorit.
