Kryetari i Partisë Demokratike, Lulzim Basha ka hapur fushatën për zgjedhjet e 18 qershorit, teksa në një takim me kryetarët e degëve ka dhënë udhëzimet duke ndezur motorët.<br /> <br />Në deklaratën për mediat para nisjes së takimit me strukturat lokale, Basha u dha fund zërave për bojkot duke deklaruar se Partia Demokratike do të marrë pjesë në zgjedhje.<br /> <br />"PD do të marrë pjesë në zgjedhje, nuk ka asnjë skenar tjetër, do të luftojmë për zgjedhje të lira dhe të ndershme dhe do të fitojmë" deklaroi ai.<br /> <br />Basha këmbënguli edhe një herë tjetër te votimi elektronik duke e cilësuar si kusht kryesor të PD, pasi shmang manipulimin dhe votimin familjar.<br /> <br />"Takimi i sotëm për fushatën për zgjedhjet e lira. Për nisjen e një ndryshimi të madh. Votimi elektronik, propozimi më i rëndësishëm i opozitës.<br /> <br />Kontestimi i zgjedhjeve na ka shoqëruar në 25 vite, votimi elektronik i jep fund kontestimit të zgjedhjeve.<br /> <br />Me votimin elektronik cdo shqiptar e ka të garantuar votën e tij, nuk ia mohon askush, nuk ka votim familjar.
