Shfrytëzimi pa kriter dhe i paligjshëm i baseneve dhe lumenjve në Shqipëri duhet të marrë fund një herë e mirë.<br /> <br />Ministri i Bujqësisë Edmond Panariti e ka përkufizuar këtë fenomen, si një prej shkaqeve kryesorë të shkatërrimit të ekosistemit, të zhvillimit ekonomik të vendit, por edhe të përmbytjeve të përsëritura vit pas viti.<br /> <br />Ai tha se ka ardhur momenti që të vendoset një moratorium për bllokimin e ccdo shpërdorimi të këtyre pasurive kombëtare.<br /> <br />Deklaratat e Ministrit Panariti u bënë gjatë prezantimit të kartave të njehsuara të inspektorateve në varësi të këtij institucioni. Pajisja me kartat moderne i hapi udhë edhe sistemit të raportimit online nga ana e inspektorëve, por dhe të qytetarëve.
