Pavarësisht çështjes së hapur nga Këshilli i Ministrave të Sekretariatit të Energjisë, Serbia vijon të mbajë peng linjën e interkonjeksionit Shqipëri-Kosovë. I kontaktuar me email nga TV Klan, zëdhënësi i Sekretariatit, thotë se çështja është pezull vetëm për arsye politike, dhe jo teknike. Për të, asnjë nga palët nuk është duke bërë hapin e parë të zhbllokuar situatën.<br /><br />?Duke pasur parasysh ndjeshmërinë politike, asnjëra palë nuk dëshiron të bëjë hapin e parë në zhbllokimin e situatës. Për fat të keq, Sekretariati nuk mund thjesht të shkaktojë një zgjidhje?.<br /><br />Sa i përket penaliteteve që mund të marrë Serbia pasi nuk ka zbatuar vendimin e Këshillit të Ministrave të Komunitetit të Energjisë, zëdhënësi thotë se sekretariati po punon për të bindur të dy palët për të gjetur një konsensus.<br /><br />Një delegacion nga ky sekretariat do të jetë në Kosovë pas dy javësh për të bërë diskutime intensive për këtë çështje.<br /><br />Tv Klan
