Lulzim Basha përjashtoi çdo mundësi për mospjesëmarrjen e Partisë Demokratike në zgjedhje. Në një takim me krerët dhe sekretarët e degëve, Basha tha se opozita do të jetë në 18 Qershor për të garantuar votën e qytetarëve, duke përjashtuar mundësinë e një skenari të mundshëm për bojkotin e zgjedhjeve.<br /><br />?Qeveria dhe mjetet e saj të propagandës janë lëshuar me klishetë, merr pjesë a nuk merr pjesë PD në zgjedhje. PD merr pjesë në zgjedhje dhe ato do të jenë të lira e të ndershme. Nuk ka asnjë skenar tjetër. Ne do të luftojmë, përballemi me zgjedhje të lira e të ndershme, e do të fitojmë në zgjedhje të lira e të ndershme. Asnjë minutë kohë nuk duhet të harxhojmë. Nxjerrja e Shqipërisë nga kriza Rama kërkon më të mirët dhe më të mirët duhet të kemi.?<br /><br />Por zgjedhjet e lira e të ndershme për kreun e demokratëve kushtëzohen nga votimi dhe numërimi elektronik. Mungesën e kohës, Basha e sheh si justifikim nga ana e maxhorancës, ndërsa u shpreh i hapur për çdo propozim që garanton standardet në zgjedhje.<br /><br />?Votimi dhe numërimi elektronik është fundi i kontestimit të zgjedhjeve. Thonë se nuk ka kohë. E gjejmë kohën e bëjmë kohën. Ajo për të cilën s?ka më kohë është një tjetër palë zgjedhje të vjedhura dhe krimi dikton dhe qeveritarët e korruptuar blejnë e shesin votën. Koha për këtë po ka mbaruar. Koha për zgjedhje të lira nuk mbaron kurrë. Jemi të hapur nëse kanë zgjedhje më të mira".<br /><br />Kur kanë mbetur më pak se pesë muaj nga mbajtja e zgjedhjeve, Basha kërkoi që brenda 15 Shkurtit, drejtuesit demokratë në bazë të nisin një dialog të hapur për përzgjedhjen e kandidatëve që do të jenë pjesë e ekipit të ardhshëm në parlament, ndërsa tha se çdo kandidat për deputet do t?i nënshtrohet një kontrolli të imtësishëm të integritetit të figurës.<br /><br />Tv Klan
