Është përkujtuar sot në Vlorë 98 vjetori vdekjes së Ismail Qemalit, themeluesit të shtetit shqiptar.<br /> <br />Në një ceremoni të organizuar nga Bashkia e Vlorës janë kryer homazhe pranë varrit të Ismail Qemalit dhe statujës së Ushtarit të Panjohur.<br /> <br />Të pranishëm në ceremoninë përkujtimore ishin deputeti Edmond Leka, autoritete të bashkisë si dhe veteranë të Luftës Antifashite Nacionalçlirimtare.<br /> <br />Në fjalët e tyre për mediat autoritetet kanë vlerësuar edhe njëherë figurën e Plakut të Urtë të Vlorës dhe kontributin e madh të tij si themelues i Shtetit të Parë Shqiptar.<br /> <br />Në fjalën e tij deputeti socialist Edmond Leka shprehu mirënjohje për kryeministrin e parë shqiptar Ismail Qemali dhe apeloi kujtesën në vite të brezave për këtë figurë të ndritur të historisë së Shqipërisë.<br /> <br />Në ceremoni nuk kanë marrë pjesë përfaqësuesit politik të së djathtës. Për Ismail Qemalin 24 janari përkon me ditën e lindjes dhe atë të vdekjes.
