Në kohën kur politika po zien nga debatet për çështjen e të shumëkërkuarit Kelmend Balili, Policia e Shtetit u përgjigjet me një aksion të radhës për kapjen e tij.<br /><br />Në kuadër të operacionit për arrestimin e Kelmend Balilit i cili është i shpallur në kërkim ndërkombëtar për trafik droge, RENEA dhe FNSH kanë zhvilluar kontrolle mëngjesin e sotëm në Sarandë dhe Delvinë, në bizneset dhe banesat e familjarëve të Balilit.<br /><br />Rreth orës 4:30 minuta të mëngjesit RENEA dhe FNSH kanë kontrolluar 10 banesa në pronësi të familjes Balili si dhe 3 hotele të vendosur në Sarandë dhe Delvinë. <br /><br />Ky operacion kërkim është bërë pasi policia gjatë mbajtjes nën vëzhgim të familjarëve të biznesmenit, ka vënë re lëvizje të dyshimta të tyre.<br /><br />Dyshimi i policisë ka qënë se familjarët po i çonin ushqim Balilit, në një vendstrehim të fshehtë pranë njërës prej banesave të tij.<br /><br />RENEA dhe FNSH kanë hyrë me shpejtësi në të gjitha banesat dhe bizneset në momentin kur anëtarët e familjes Balili ishin në gjumë. Aksioni është koordinuar nga fshati Stjarr në Delvinë ku jeton fisi i Kelment Balili deri në qytetin e Sarandës ku këta të fundit kanë disa biznese.<br /><br />Nga kontrollet ende nuk është bërë i mundur arrestimi i 46-vjecarit i cili cilësohet në mediat greke si ?Eskobari i Ballkanit?.
