VLORE-Një makinë tip Audi-Q7 është shpërthyer me eksploziv gjatë natës në qytetin bregdetar, ndërsa nuk raportohet për të plagosur.<br /> <br />Sipas policisë, makina së cilës iu vendos eksploziv është në pronësi të shtetasit Flamur Peçaj (Lamaj) 46 vjeç.<br /> <br />Ngjarja ka ndodhur pranë pallatit të pronarit të mjetit në lagjen "Pavarësia", ku automjeti tip Audi-Q7 ishte i parkuar.<br /> <br />Makina ka marrë flakë e për pasojë është dëmtuar pjesa e përparme e tij nga shpërthimi i eksplozivit, që është hedhur në moment poshtë makinës nga autorët.<br /> <br />Ngjarja ka ndodhur në orët e para të mëngjesit, ndërsa pas zhurmës nga shpërthimi dhe konstatimi i ngjarjes pronari ka lajmëruar policinë.<br /> <br />46-vjeçari njihet në qytetin e Vlorës me dy mbiemra dhe si person me precedent penal në trafikun e drogës dhe ngjarja dyshohet se ka ardhur për motive hakmarrje, pasi ka pasur edhe një konflikt ne 2012.<br /> <br />Policia e Vlorës deklaron se po punohet për hetime të mëtejshme në lidhje me sqarimin e rrethanave të ngjarjes dhe për identifikimin e autorit.
