Zv/ kryeministri Niko Peleshi nga Korça shprehet i habitur me deklaratat e fundit të ministrit Koka dhe deputetit Tavo që sulmojnë policinë e shtetit, ndërsa i cilëson lojëra politike.<br /> <br />Ai thekson se koalicioni ka ende punë për të bërë prandaj fton aleatin në qeverisje që të mos humbasim kohë, por ti japim vrull dhe impulsin e duhur reformave.<br /> <br />"Më kanë habitur disa deklarata. Të gjithë presin që qeveria të punoje. Kemi para reformën në drejtësi që është reforma e reformave.<br /> <br />Vetingu kërkon kontribut dhe nuk të lë kohë të merresh me lojëra politike.<br /> <br />Ne presim nga LSI që ti japim vrull dhe impulsin e duhur reformave.<br /> <br />Të mos humbasë puna jonë. Kemi detyra të mëdha dhe nuk ngelet kohë me lojëra politike.<br /> <br />Nuk dua të projektoj në këtë optikë. Kemi një ftesë të hapur për aleatin tonë në qeverisje. Kemi ende punë për të bërë" u shpreh Peleshi.
