Subscribe në Ora News këtu http://bit.ly/1s5j7UT<br /><br />Kryetari i Partisë Demokratike Lulzim Basha, e vlerëson të ezauruar rrugën instituucionale, ndaj paralajmëroi nisjen e një seria protestash popullore për garantimin e zgjedhjeve të lira dhe të ndershme. Basha, tha se kryeministri Edi Rama, do të përdorë bandat kriminale për manipulimin e zgjedhjeve të 18 qershorit. Deklarata u bë pas takimit me ambasadorin e SHBA dhe atë të OSBE<br />Tiranë- Kryetari i Partisë Demokratike Lulzim Basha, paralajmëroi aksion qytetar për të garantuar zgjedhjet lira dhe të ndershme, në kushtet kur sipas tij rrugët institucionale janë ezauruar.<br />Pas mbledhjes me dyer të mbyllura të Grupit Parlamentar, Basha tha se kryeministri Edi Rama, do të përdorë bandat kriminale për manipulimin e zgjedhjve, dhe kjo sipas tij është arsyeja pse refuzon votimin elektronik.<br />Basha: Partia Demokratike po nis shqyrtimin e të gjitha opsioneve, të aksionit politik qytetar të protestave, për të arritur përmes një bashkimi të madh qytetar, atë që kjo qeveri e kriminalizuar dhe e korruptuar deri në palcë ka refuzuar ta bëjë tashmë përmes rrugës institucionale.<br />Për Bashën nuk është e rëndësishme se çfarë mendon Ambasadori i OSBE-së për përdorimin e teknologjisë në zgjedhje, por përdorimi i çdo mjeti për të garantuar proces me standarte.<br /><br />Për më shumë lexoni në: http://www.oranews.tv/vendi/basha-paralajmeron-protesta-ka-ardhur-koha-e-aksionit-qytetar/
