TIRANE-Këtë të martë kur është mbyllur zyrtarisht procesi i dorëzimit të formularëve nga gjyqtarë e prokurorë të cilët do t?i nënshtrohen rivlerësimit të pasurisë dhe figurës profesionale e morale kanë ardhur dhe dorëheqjet e para të konsideruar gjyqtarë ?Vip?.<br /><br />Mes të dorëhequrve të cilët nuk kanë pranuar ti nënshtrohen ?Vettingut? janë gjyqtarja e lartë Mirela Fana e zgjedhur pak ditë më parë dhe anëtare e këshillit të emërimeve, Vladimir Kristo gjyqtar kushtetues po ashtu i zgjedhur në KED, gjyqtari Ilir Celiku.<br /><br />Nga 800 gjyqtarë e prokurorë të paktën deri më tani 794 prej tyre kanë depozituar formularin dhe do të jenë në pritje të procesit të rivlerësimit sipas ?Vettingut?.<br /><br />Ligji parashikon se kush nuk deklaron pasurinë përjashtohet.<br /><br />Dy gjyqtarë të tjerë të dorëhequr janë gjyqtari i Elbasanit, Ilir Pashai dhe gjyqtarja e Kukësit Drita Velaj.<br /><br />Në total numri i të dorëhequrve arrin në 6 pasi tre ditë më parë dorëheqien e dha dhe prokurori i Kavajës, Sulejman Tola.<br /><br />Në më pak se një javë nga zgjedhja me short si kryetare e Këshillit të Emërimit në Drejtësi, (KED), Mirela Fana, anëtare e Gjykatës së Lartë, paraqet dorëheqjen.<br /><br />Dorëheqja e Fana konsiderohet e papritur pasi ajo mori pjesë para pak ditësh dhe në shortin me gogla për përzgjedhjen KED, mes 13 kandidatëve nga Gjykata e Lartë.<br />Personalisht Fana është shprehur se preferon të vijojë jetën akademike në vend të asaj të gjyqtares. Në vend të saj tek KED, u zgjodh një tjetër gjyqtar. Artan Zeneli, është emri që do të mbajë kreun e KED.
