Mbërritja e dy përgjigjeve të letër porosive nga Franca dhe Gjermania, kanë rikthyer sërish në skenë dosjen hetimore të gjyqtarit të Apelit Gjin Gjoni, lidhur me fshehjen e pasurisë dhe ?Falsifikimit të dokumentave?.<br /><br />Pak kohë më parë ka qënë prokuroria e Elbasanit ajo që i është drejtuar me letër porosi drejtësisë gjermane dhe franceze lidhur me disa transaksione bankare dhe pasuri që Gjin Gjoni dhe bashkëshortja e tij Elona Çaushi disponojnë në Shqipëri.<br /><br />Dy përgjigjet e letërporosive kanë mbëritur në Shqipëri pas një viti, kohë kjo kur gjyqtari Gjin Gjoni, mbylli dosjen e prokurorisë me procedurë dhe më pas sërisht nëpërmjet gjykatës detyroi prokurorinë që të mbyllë çështjen me argumentin se fakti i fshehjes së pasurisë nuk ka ekzistuar asnjëherë.<br /><br />Pavarësisht kësaj situate, tashmë prokuroria e Tiranës ka hapur sërisht hetimet për Gjin Gjonin dhe bashkëshorten e tij Çaushi.<br /><br />Nuk dihet sërisht se si do përfundojnë këto hetime, pasi kjo varet dhe në përgjigjen që kanë sjellë Gjermanët dhe Francezët.<br /><br />Në atë kohë prokuroria argumentoi se të dhënat e kërkuara në letër-porosi janë shumë të rëndësishme për hetimin, pasi pasuria e dyshuar si e deklaruar në mënyrë të rreme nga shtetasi Gjin Gjoni dhe bashkëshortja e tij, kanë të deklaruar si burim kryesor fitimet nga bizneset e krijuara nga e dyshuara Çaushi në bashkëpunim me shtetasin gjerman Mehlber.<br /><br />Sipas deklarimit të pasurisë, dorëzuar në ILDKP këta dy shtetas, kanë vendosur si burim kryesor të pasurisë së tyre pikërisht të ardhurat e fituara nga aktiviteti privat ndër vite i shtetases Elona Çaushi dhe ish-ortakut të saj, shtetasit gjerman Mehlber.
