Një 55- vjeçare ka humbur jetën pasi është përplasur nga një automjet në autostradën Shkoder- Hani i Hotit.<br /> <br />Aksidenti i rëndë ka ndodhur rreth orës 06.30 pranë kryqëzimit të fshatit Boriç i Madh në Malësi e Madhe ku për pasojë ka mbetur e vdekur në vend Mri Zefi 55- vjece.<br /> <br />Sipas dëshmitarëve në vendngjarje 55- vjecarja kishte dalë në anë të autostradës Shkoder- Hani i Hotit për të përcjellë vajzën në shkollë.<br /> <br />Në momentin që ka tentuar të dalë në anën tjetër të rrugës automjeti tip "Skoda" me targë AA 664 JJ me drejtues Bashkim Xhafa 40 vjec ka përplasur 55 vjecaren.<br /> <br />Aksidenti ka qenë fatal për Mri Zefin e cila ka ndërruar jetën menjëherë. Drejtuesi i mjetit është shoqëruar në Komisariatin e Policisë Malësi e Madhe për veprime të mëtejshme proceduriale.<br /> <br />Viktima Mri Zefi në të njëjtën vend përpara 4 vitesh kishte humbur bashkëshortin në aksident. Autostrada Shkoder- Hani I Hotit është një nga akset më problematike përsa i përket aksidenteve, ndërsa pothuajse cdo muaj shenohen aksidente me vdekje.<br /> <br />Mungesa e ndriçimit, mbikalimeve dhe mos respektimi i sinjalistikës rrugore janë ndër shkaktaret kryesor të aksidenteve në këtë aks rrugor
