KRUJE- Një aksident ka ndodhur në Rrugën e Kombit gjatë natës së kaluar.<br /> <br />Aksidenti ka ndodhur rreth orës 19:30 në hyrje të urës së autostradës mbi lumin Mat afër kryqëzimit të rrugës së Kombit me rrugën që shkon në Burrel.<br /> <br />Një trailer qe po udhëtonte në drejtim të Tiranës ka dalë nga rruga duke përfunduar ne shtratin e lumit Mat.<br /> <br />Traileri gjatë rënies në lumë ka këputur dhe një kabull elektrik i cili rrezikoi të sillte pasoja të mëdha nëse energjia nuk do qe shkëputur menjeherë nga banorë të zonës.<br /> <br />Sipas policisë traileri ka dalë jashtë kontrollit rreth 30 metra larg vendit të rënies dhe shkak i aksidentit ka qenë lagështia në rrugë dhe shpejtësia.<br /> <br />Shoferi i trailerit është Afrim Mullari 56 vjec nga Berati i cili është plagosur dhe është dërguar ne spitalin e Lacit ku ndodhet jashtë rrezikut për jetën. Traileri mban targat AA701 HD.
