Kryetari i Kuvendit, Ilir Meta u shpreh gjatë një konference për shtyp pasditen e kësaj të premte nga kryesia e Kuvendit, se Prokurori Adriatik Llalla ka respektuar Kushtetutën në përzgjedhjen e tre kandidatëve për Këshillin e Emërimeve në Drejtësi (KED). <br /><br />Reagimi i Metës erdhi pas përplasjeve mes ambasadorit të SHBA, Donald Lu dhe Kryeprokurorit Adriatik Llalla. <br /><br />Kreu i Kuvendit zbardhi shkresat me Prokurorinë dhe sipas tij, Prokuroria e Përgjithshme ka zbatuar ligjin dhe Kushtetutën. <br /><br />"Sipas shkresave të Prokurorisë së Përgjithshme, kandidatët plotësojnë kriteret ligjore. Sipas këtyre shkresave, për një vend për në KED, plotësojnë kriteret dhe kushtet, përfshirë edhe Shkollën e Magjistraturës, vetëm një prokuror i Prokurorisë së Përgjithshme dhe për dy vende, plotësojnë kushtet, vetëm 2 prokurorë nga Prokuroritë e Gjykatave të Apelit. <br /><br />Prokuroria e Përgjithshme rezulton, sipas tyre, se ka zbatur në mënyrë korrekte Kushtetutën dhe ligjin e miratuar nga Parlamenti.<br /> <br />Sipas informacioneve të përcjellja sot nga Prokuroria, asnjë prokuror nuk është ankuar as në Prokurorinë e Përgjithshme, as në Kuvendin e Shqipërisë që organizoi shortin, lidhur me listën e kandidatëve të përcjellë nga ky institucion për KED", u shpreh Meta. <br /><br />Një ditë më parë, ambasadori amerikan në Tiranë, Donald Lu akuzoi Prokurorin e Përgjithshëm, Adriatik Llalla se shkeli kushtetutën kur propozoi një listë me vetëm tre emra për KED-in dhe të përzgjedhur pa konkurrencë e transparencë. Sipas ambasadorit, Lu Llalla ka 18 muaj që po pengon reformën në drejtësi.
