KURBIN-Përmbytjet e muajit tetor dhe nëntor të vitit që lamë pas pretendohet se nuk do të përsëriten më në zonën e Kurbinit.<br /><br />Prej 3 muajsh ekskavatorët e bordit të kullimit janë vendosur në këtë zonë, duke ndërhyrë për pastrimin e kanaleve kulluese në 4 Njësi Administrative të Bashkisë Kurbin.<br /><br />Vëmendja më e madhe është përqënduar në kanalet e ujërave të larta në Mamurras, Laç dhe Milot, aty ku u shfaqen dhe problemet më të shumta për shkak të mos ndërhyrjes që prej më shumë se 30 vitesh.<br /><br />Paralelisht po punohet edhe për forcimin e grykderdhjeve të përrenjëve. Drejtori i Bordit të Kullimit për veriun Petrit Gjoni shprehet se me ndërhyrjet që janë bërë përmbytjet në këtë zonë do të evitohen ndjeshëm.<br /> <br />Sipas specialistëve, pavarësisht hapjes së kanaleve, nëse nuk do të ndërhyhet dhe në pritat malore të cilat janë të shkatërruara plotësisht përmbytjet në Kurbin do të jenë sërish prezente.
