Partia Demokratike tha të shtunën se ndalimi i dy drejtuesve të lartë të policisë në Vlorë dhe në Tepelenë, si të lidhur me kultivimin e trafikimin e drogës, është dëshmia më e fortë e kriminalizimit të shtetit, e vënies së shefave të policisë së Saimir Tahirit dhe Edi Ramës në krye të biznesit të hashashit.<br /><br />Gjatë një conference për shtyp, kreu i Departamentit të Sigurisë, Rendit Publik dhe Luftës kundër Korrupsionit pranë partisë Demokratike, Enkelejd Alibeaj, tha se ?ndalimi së fundmi i këtyre dy drejtuesve, konfirmon të vërtetat e denoncuara nga Partia Demokratike prej 3 vitesh, për përfshirjen e njerëzve të Tahirit në trafikun e drogës?.<br /><br />Alibeaj tha se ata marrin nga ky biznes kriminal deri në 40 për qind për një rrënjë.<br /><br />?Nuk është rastësi që këta drejtues janë pikërisht në Vlorë dhe në Tepelenë, pikërisht në zemrën e territorit të kultivimit dhe trafikimit të drogës, pikërisht në zonën ku gjenden më besnikët e Saimir Tahirit,? tha ai.<br /><br />Alibeaj tha se kjo është vetëm maja e ajsbergut dhe i bëri thirrje prokurorisë të thellojë hetimet, pasi drejtues të lartë janë të përfshirë në këtë biznes kriminal.<br /><br />?Zinxhiri të çon tek Tahiri dhe Edi Rama,? tha ai.<br /><br />Më tej, Alibeaj u bëri thirrje të gjithë shqiptarëve që të dalin në protestën e 18 shkurtit, për të protestuat kundër inkriminimit të shtetit dhe kanabizimit të vendit./tvklan.al
