Prej vitesh, ky ishte oazi ku Dritëro Agolli priste e përcillte politikanë, shkrimtarë, poetë, artistë, gazetarë, miq e bashkëqytetarë të tij.<br /><br />Sot dera e apartamentit ku jetoi shkrimtari, në atë që njihet si ?pallati me kuba?, është hapur për lamtumirën e fundit.<br /><br />Edhe pse homazhet zhvillohen të dielën në Pallatin e Kongreseve, artistët, muzikantë e ish - studentë të Dritëroit mirënjohjen e fundit ia shprehën pikërisht në shtëpinë ku ai, portretit që kurrë nuk i mungonte cigarja i gostiste me një gotë raki.<br /><br />Dritëro Agolli kishte shumë komshinj - miq. Njëri prej tyre ishte edhe kompozitori Feim Ibrahimi. E bija, violinistja Etrita Ibrahimi, vazhdon të thërrasë xhaxhi Dritëroi.<br /><br />Ish - studentë e banorë të fshatit të vogël, Menkulasit në Devoll, vendlindja e shkrimtarit, që në mëngjes ishin aty për t'i bërë nderimet e fundit.<br /><br />Ngushëllime i shprehu edhe Presidenti i Republikës, Bujar Nishani. Në mesazhin e tij, Kreu i Shtetit shkruan se shoqëria humbi mendimtarin e kthjellët që la gjurmë si protagonist i lëvizjeve emancipuese, përgjatë më shumë se një gjysmë shekulli si në art, ashtu edhe në politikën shqiptare të epokës së pluralizmit.<br /><br />Homazhet për një nga shkrimtarët më të lexuar dhe shumëdimensional në gjinitë e letërsisë që lëvroi, do të zhvillohen nesër nga ora 10:00 deri në 13:00 në Pallatin e Kongreseve.<br /><br />Tv Klan
