Subscribe në Ora News këtu http://bit.ly/1s5j7UT<br /><br />Persona ende të paidentifikuar vendosën një sasi lëndë plasëse në një banesë dykatëshe në fshatin Grude e Re, njësia administrative Rrethina.<br />Fillimisht ata bënë shkëputjen energjisë qe furnizonte shtëpinë e 62 vjeçarit Mark Marku, më pas kanë prerë rrjetën rrethuese në pjesën e pasme të banesës, aty ku edhe vendosën në dy kolonat e saj, dy thasë me lëndë plasëse artizanale.<br />Vetëm njëra prej tyre ka shpërthyer, ndërsa 3 pjesëtarët e familjes, bashkëshortja vajza dhe djali 13 vjeçar ndodheshin në gjumë, ndërsa kryefamiljari nuk ndodhej në banesë. Fatmirësisht nuk pati të lënduar, por dëmet materiale janë të shumta.<br />Mark Marku: Kanë hyrë nga këtu mbrapa. Kanë prerë rrjetën e telit me pinca. Lënda plasëse është vendosur në tri pika, dy kanë ndezur dhe një jo.<br />Menjëherë me të dëgjuar shpërthimin familjarët kanë vrapuar të dalin jashtë, ndërsa fqinjët kanë njoftuar policinë.<br />Kjo e fundit së bashku me forcat xhenio të ardhura nga Tirana kanë kryer veprimet në terren, ku kanë konstatuar edhe njërin nga thasët të pa shpërthyer, i cili është marrë si provë materiale.<br /><br />Për më shumë lexoni në: http://www.oranews.tv/vendi/shkoder-shperthimi-tritoli-ne-nje-banesen-ne-fshatin-grude-e-re/
