Gjykata e Krimeve të Rënda ka verifikuar masën e sigurisë për dy zyrtarët e policisë Haki Hasanbegasi dhe Gani Abazi. Ata akuzohen për kultivim të lëndëve narkotike në formën e grupit te strukturuar kriminal në zonën e Tepelenës.<br /><br />Të dy ata nuk kanë pranuar akuzën e ngritur nga prokuroria. Në përfundim të seancës ata janë lënë në burg nga togat e zeza. Masa nuk ka ndryshuar as për Musa Bedinaj, kultivues kanabisi, i cili bashkëpunonte me dy zyrtarët e policisë.<br /><br />Prova më e fortë që ka prokuroria për këtë grup kriminal janë përgjimet telefonike. Sipas tyre Haki Hasanbegasi ka patur lidhje të ngushta me Elton Çiçën, i vrarë në një atentat në zonën e ish-bllokut ne muajin maj të vitit të kaluar.<br /><br />Përveç përgjimeve me Çiçën prokuroria ka arritur të përgjojë dhe dy biseda të Hasanbegasit në datat 15 dhe 19 gushte 2016.<br /><br />Ne datën 15 ish-shefi i rendit në policinë e Vlorës telefonon një person ku i ngre shqetësimin se kishte lexuar në gazetë se ishte goditur ?Krasti 2? duke iu referuar parcelave te kanabisit.<br /><br />Personi ia konfirmon duke i thënë se i ishin afruar atij dhe se ishin vetëm 400 metra larg, personi i thotë nëse ka mundësi të flasë me njeri dhe i kërkon që të vijë ta takojë të nesërmen.<br /><br />Në datën 19 Haki Hasanbegasi telefon një person, i cili i thotë se sapo kishte zbritur nga ?vendi i mirë? duke iu referuar parcelave me kanabis. Zyrtari i policisë i thotë se është në Vlorë dhe vendosin që të takohen ditën e nesërme./ TV KLAN
