TIRANE-Për grabitjen në aeroportin e Rinasit që bëri bujë vitin e kaluar, policia aktualisht ka zbuluar të tre autorët.<br /><br />Dy nga tre autorët e grabitjes së Rinasit ndodhen brenda territorit shqiptar dhe tashmë janë identifikuar nga Policia e Shtetit dhe Prokuroria e Krimeve të Rënda.<br /><br />Burime nga këto njësi sqaruan për Report Tv se autorët janë identifikuar dhe ndaj tyre me miratimin e gjykatës është nxjerrë masa e sigurisë arrest me burg në mungesë.<br /><br />Por ajo që ka shtangur policinë në momentin e ekzekutimit të urdhër-arresteve është fakti se asnjë prej të dyshuarve nuk ndodhej në banesë.<br /><br />Nga kontrollet që Policia ka bërë në sistemin TIMS, dy autorët kryesor të grabitjes në Rinas ndodhen në Shqipëri dhe nuk rezulton të jenë larguar nga vendi.<br /><br />Nga verifikimet e kryera rezulton se ideatori këtij grupi është A.P 37 vjeç rezulton se 2 ditë pas grabitjes ka lënë territorin shqiptarë dhe destinacioni i tij ka qenë Rumania.<br /><br />Ende nuk dihet nëse ai qëndron në Rumani apo pas këtij udhëtimi të korrikut 2016 ai ka lëvizur nga Rumania për t?u fshehur diku tjetër.<br /><br />A.P ka qënë shofer në makinën e grabitjes spektakolare që ndodhi në Aeroportin Ndërkombëtar të Rinasit në 30 qershor të 2016-s.<br /><br />Policia e Shtetit ka kërkuar ndihmën edhe të shërbimeve partnere të inteligjencës për arrestimin e tyre.
