A.P, 37 ?vjeçari i identifikuar si njëri prej 3 grabitësve të 1 milion eurove në pistën e aeroportit të Rinasit dyshohet se fshihet në Rumani. <br /><br />Strukturat qendrore të hetimit në Policinë e Shtetit dhe Prokuroria e Krimeve të Rënda kanë mundur t?i ndjekin gjurmët e tij deri në këtë vend. <br /><br />Burime të rezervuara nga grupi hetimor bënë me dije për Tv Klan se A.P dyshohet të jetë larguar nga Shqipëria pak ditë pas grabitëjes së 30 qershorit. <br /><br />Pas afro 7 muajsh hetimesh, Prokuroria e Krimeve të Rënda ka kërkuar që ndaj tij të vendoset masë sigurie në mungesë. <br /><br />Në bazë të provave të paraqitura, Gjykata e Krimeve të Rënda ka vendosur masën arrest me burg dhe pas këtij vendimi është bërë shpallja e 37 ?vjeçarit në kërkim ndërkombëtar. <br /> <br />Prova kryesore që organi i akuzës ka paraqitur në gjykatë është kampioni i ADN-së, i gjetur nga ekspertët kriminalistë në paruken e hedhur nga autorët pas grabitjes. <br /><br />Kampioni i ADN-së i është marrë dhe krahasuar me një të afërmi të të dyshuarit dhe nga ky krahasim është ndërtuar profili i ADN ?së së tij.<br /><br />Parukja rezulton se është mbajtur nga A.P, i cili ka qene drejtuesi i autovetures tip Mercedes Benz me ngjyrë vishnje qe u përdor nga grabitësit dhe u dogj jo shumë larg Rinasit. <br /><br />A.P dyshohet se është anëtar i një bande që vepron kryesisht në zonën përreth aeroportit. Edhe dy bashkëpunëtoret e tij mendohet se janë banore të së njëjtës zone. <br />Lidhjet e grabitësit te identifikuar po hetohen ndërkohë, pasi dyshohet se mes tyre gjenden edhe dy grabitësit. / Tv Klan
