TIRANE-Tutoret Ana dhe Erisa siguronin vajza për prostitucion duke përdorur rrjetet sociale. U premtonin se do të fitonin 1 mijë euro në muaj. Taksistët i dërgonin në hotel, kurse një polic, efektiv rrugor u siguronte klientët.<br /><br />Kështu funksiononte grupi prej 11 personash që u arrestuan ditën e djeshme në Tiranë.<br /><br />Por si arritën taksitët dhe ky grup të formonin një rrjet prostitucioni në Tiranë?<br /><br />Fillimisht taksistët ranë dakort me Ambra.L dhe Fllanxe.A që këto të fundit të gjenin vajza të reja. Ambra.L dhe Fllanxe. A 21 dhe 37 vje prezantoheshin me emrin Erisa dhe Ana. Ato arritën të bindnin më shumë se 15 vjaza të reja në mënyrë që të punonin si prostituta.<br /><br />Nga përgjimet që ka bërë Policia dhe Prokuroria e Tiranës Erisa dhe Ana u premtonin vajzave se do të fitonin më shumë se 1 mijë euro në muaj.<br /><br />Ato i kontaktonin vajzat në rrjetet sociale, por edhe në njoftime për punë që publikonin në gazeta dhe ?online?.<br /><br />Pasi takoheshin Ambra.L dhe Fllanxe. A u shpjegonin vajzave punën që duhet të bënin. Më pas Erisa dhe Ana kontaktonin me 4 taksistët Maringlen Ahmetaj, Arben Bici, Përparim Kola dhe Kujtim Karamuça. Taksistët shkonin i merrnin vajzat dhe i dërgonin në hotele të ndryshme ku i prisnin klientët.
