6 muaj pas vdekjes së 17-vjeçarit Ardit Gjoklaj në landfillin e Sharrës, prokuroria e Tiranë mbyll hetimet dhe dërgon në gjyq dy persona. Në bankën e të akuzuarve do të jenë Dëfrim Hakrama përgjegjës i firmës ?3R? dhe fadromisti Edmond Kollari. Ata akuzohen për shkeljen e rregullave në punë me pasojë vdekjen e adoleshentit.<br /><br />Sipas hetimeve të kryera përgjegjësi i firmës Hakrama nuk ka ndërmarrë veprime për të evituar ngjarje të tilla, si udhëzime kolektive apo individuale të punonjësve për mbrojtjen e tyre, aq më tepër në kushtet e natës. Për më tepër ka lejuar të punojë një minoren.<br /><br />Ndërsa fadromisti Edmomond Kolari nuk ka treguar kujdes gjatë punës me pasoje shtypjen e 17- vjeçarit.<br /><br />Për këtë çështje, janë duke u zhvilluar hetime edhe për përgjegjësitë e mundshme të kompanisë ?3R?, shoqërisë ?Eco Tirana? dhe Bashkisë së Tiranës, bazuar në një kallëzim të dorëzuar nga grupi i këshilltarëve bashkiakë të Partisë Demokratike.<br /><br />Hetimi për kompanitë dhe Bashkinë e Tiranës u veçua nga hetimi kryesor për vdekjen e Ardit Gjoklaj, për shkak të mbarimit të afateve të paraburgimit për dy personat dërguar në gjyq.<br /><br />Gjatë hetimit për vdekjen në landfill prokuroria arriti të faktonte se Ardit Gjoklaj kishte më shumë se një muaj që punonte aty dhe se emri i tij gjendej në regjistrat e punëtorëve të firmës 3R .<br /><br />Tv Klan
