Vazhdon përplasja mes Presidencës dhe Ministrisë së Jashtme. Të hënën ministri i Jashtëm, Ditmir Bushati deklaroi në Komisionin e Jashtëm Parlamentar se kishte njoftuar zyrtarisht me një shkresë Presidentin e Republikës për votimin e Shqipërisë në Asamblenë e Kombeve të Bashkuara për armët bërthamore.<br /><br />Ndërsa Presidenca reagoi duke e quajtur të pavërtetë deklaratën. Por ministri jashtëm këmbënguli edhe sot duke mbajtur te njëjtën linje.<br /><br />Pas kësaj deklarate, presidenca reagoi serish duke publikuar edhe protokollin e marrjes në dorëzim të përgjigjes së Ministrisë së Jashtme për kërkesën e Presidentit te Republikës.<br /><br />Ky dokument vërteton se përgjigjja zyrtare i është dërguar Presidencës vetëm sot, pra me 7 shkurt, në orën 10.00.<br /><br />Shkresa me numër protokolli 1662 është dorëzuar në Gardën e Republikës nga korrieri i Ministrisë së Jashtme, Julian Janaqi dhe pak minuta më vonë është marrë në dorëzim nga strukturat e protokollit të Institucionit të Presidentit.<br /><br />Presidenti Bujar Nishani, në reagimin e tij shpreh keqardhjen për disinformimet e përsëritura e të pavërteta të Ministrit të Jashtëm, Ditmir Bushati.<br /><br />Ai thekson se nëse nuk do të ishte një çështje e rëndësishme e marrëdhënieve me Shtetet e Bashkuara të Amerikës, aleatin kryesor strategjik të Shqipërisë, si dhe vendet partnere në NATO, nuk do t?i kthente përgjigje disinformimit të radhës së Ministrit.<br /><br />Tv Klan
