Katër autorët që kryen grabitjen e lekëve të një banke të nivelit të dytë, kishin përgatitur gjithë skemën se si do të futeshin në brendësi të blindave dhe deri te largimi drejt fshatit Laknas.<br /> <br />Burime të Report TV bëjnë me dije se njera prej foristradave i kanë ndjekur për rreth 300 metra blindat e kompanisë së sigurimit Jaguar, që transportonte paratë.<br /> <br />Menjëherë sapo kanë kaluar fshatin Laknas njëra prej makinave, tip Jeep ka goditur blindin e parë që po udhëtonte drejt Rinasit, ndërsa makina tjetër është futur në mes të dy blindave.<br /> <br />Menjëherë të 4 grabitësit kanë dalë nga makina dhe kanë qëlluar drejt dy blindave te gomat, në mënyrë që të mos largoheshin.<br /> <br />Më pas ata kanë qëlluar rreth 10 herë në drejtim të blindave dhe rojet i kanë hapur dyert pasi kanë para se xhamat po caheshin.<br /> <br />Menjëherë dy prej grabitësve kanë bërë transportimin e lekëve nga blindi drejt makina e tyre.<br /> <br />Report TV zbardh edhe dëshminë e punonjësve të cilët ishin në dy blindat e kompanisë së sigurimit Jaguar. Sipas tyre grabitësit ishin veshur me rroba të zeza, mbanin kapuc në kokë, ndërkohë që kishin edhe këpucë ushtarake.
