Nga Elbasani, ku mori pjesë në Këshillin Vendor për Sigurinë Publike, ministri i Brendshëm, Saimir Tahiri ka komentuar grabitjen e 2,2 milionë eurove në rrugën që të çon në Rinas.<br /><br />Ai tha policia do të bëjë maksimumin për të zbardhur ngjarjen. Por ministri sqaroi se në këtë rast kanë dështuar të gjitha hallkat e tjera të sigurisë para se çështja të mbërrijë tek Policia e Shtetit.<br /><br />Ministri lëshoi kritika edhe ndaj bankave, duke thënë se nuk bëjnë asgjë për të garantuar sigurinë e vlerave monetare.<br /><br />Duke iu referuar faktit se shumë nga dëshmitaret okulare të grabitjes në vend që të njoftonin policinë, filmuan ngjarjen, ministri kërkoi angazhim më të madh edhe nga qytetarët./ TV KLAN
